Green Grow the Rashes O

image

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

There’s nought but care on ev’ry han’,
In every hour that passes, O
What signifies the life o’ man,
An’ ’twere na for the lasses, O.

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

The warl’y race may riches chase,
An’ riches still may fly them, O
An’ tho’ at last they catch them fast,
Their hearts can ne’er enjoy them, O.

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

But gie me a cannie hour at e’en,
My arms about my dearie, O,
An’ warl’y cares an’ war’ly men
May a’ gae tapsalteerie, O!

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

For you sae douce, ye sneer at this
Ye’re nought but senseless asses, O
The wisest man the warl’ e’er saw,
He dearly lov’d the lasses, O.

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

Auld Nature swears, the lovely dears
Her noblest work she classes, O
Her prentice han’ she try’d on man,
An’ then she made the lasses, O.

Green grow the rashes, O
Green grow the rashes, O
The sweetest hours that e’er I spend,
Are spent among the lasses, O

Robert Burns 1759-1796

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: